Banan gündelik durmuşymyzda giňden ýaýran miweleriň biri. Köpler ony tagamly, ýokumly we süýji bolandygy üçin gowy görýärler. Muňa garamazdan, köp adamlaryň banany satyn alanyňda nähili dogry saýlamalydygyny bilmeýän bolmagy ähtimal. Eger şeýle bolsa, Hytaýyň «Sohu» neşiri bananyň iň gowularyny onuň daşky görnüşine üns berip, nähili saýlap boljakdygyny düşündirýär. Bu barada newinform.com belleýär.
Analitikler bananyň göni we egri bolýandygyny ýazýarlar. Köplenç, alyjylaryň köpüsi miwäniň haýsy görnüşini saýlamaly diýen sorag bilen ýüzlenýärler. Makalanyň awtorlary bananyň doly bişýänçä, göni bolýandygyny belleýärler. Bişip ýetişme prosesinde miwe ýuwaş-ýuwaşdan ýagtylyga tarap ösýär, şol sebäpli hem ol egrelýär, bu banan salkymynyň bagdaky tebigy ýagdaýy bilen baglydyr.
Köp satyjylar daşamak amatly bolar ýaly, heniz doly bişmedik miweleri ýygnaýarlar we soň olary bellenilen ýere barýança zaýalanmaz ýaly daşaýarlar. Bu usul bananlara hem degişlidir. Olary doly bişmedik mahaly ýygnap, dükanlara eltýärler we bişensoň satyp başlaýarlar. Hut şonuň üçin alyjy käbir bananlaryň göni, käbirleriniň bolsa egridigini görüp biler. Şeýlelikde, göni miweler bilen deňeşdirilende, egri miweler has bişen we süýji bolýar, ýöne olary çalt zaýalanýandygy üçin, saklamak kyn bolýar.
