Iň howply kompýuter wiruslarynyň reýtingi täzelendi

Iň howply kompýuter wiruslarynyň reýtingi täzelendi

«Check Point Research-iň» barlagçylary 2021-nji ýylyň aprel aýy boýunça iň howply kompýuter wiruslarynyň sanawyny düzdi. Bu barada ferra.ru habar berdi.

Howpsuzlyk boýunça barlagçylaryň maglumatlaryna görä, “Dridex” troýan wirusy eýýäm bassyr ikinji aý dünýäde iň köp ýaýran zyýanly programma üpjünçiligi bolmagynda galýar. Bu programma köplenç zyýanly programma üpjünçiligi amallary üçin deslapky ýokuşma serişdesi hökmünde ulanylýar.  Reýtingde ikinji orunda “AgentTesla” troýan wirusy bar. Ol esasan keýlogger hem-de açar sözleri ogurlaýjy hökmünde bilinýär.
Umuman alnanda, soňky döwürde zyýanly programma üpjünçiliginiň hüjümleriniň sany köpeldi. Barlagçylaryň pikiriçe, dünýäde ortaça her 10 sekuntda bir gurama kiber hüjümleriň pidasy bolýar.