2020-nji ýylda Hytaýyň ilaty ýyllyk hasabynda 0,83% artyp, 1,41178 mlrd boldy. Bu barada HHR-iň Döwlet statistika edarasy habar berdi. Muny TASS ýetirýär.
“Hytaýyň ilaty 1,41178 mlrd adam bolup, bu 2010-njy ýyl bilen deňeşdirilende 72,06 mln (5,38%) köpdür” – diýlip, hasabatda aýdylýar. 2019-njy ýylda ýurduň ilaty 1,40005 mlrd adamdy.
Neşir edilen statistika laýyklykda, ýurtda, takmynan, 723,34 mln erkek we 688,44 mln aýal ýaşaýar. Ilatyň 63,35%-i 15 ýaşdan 59 ýaş aralygyndaky adamlar, 18,7%-i 60 ýaşdan uly adamlardyr. 14 ýaşa çenli ýaş kategoriýasyndaky raýatlaryň paýy 17,95%-e deň.
Resminamadan görnüşi ýaly, Hytaýda şäher ilatynyň paýy 63,89% derejesinde bolup, bu 2010-njy ýyl bilen deňeşdirilende, 14,21% köpdür.
Hasabatda HHR-iň ilatynyň takmynan, 40%-niň ýurduň gündogar böleginde, dörtden bir böleginiň merkezi sebitde we diňe 7%-niň Russiýa bilen serhetleşýän Demirgazyk-Gündogar Hytaýda ýaşaýandygy bellenilýär. Mundan başga-da, 2010-njy ýyl bilen deňeşdirilende, demirgazyk-gündogar welaýatlarynyň ilaty 1,2 göterim azaldy.
Statistika görä, ýurduň 91,11% ýaşaýjysy – han halkynyň wekili (hytaýlylar), galan 8,89%-i milli azlyklara degişli. 10 ýylyň dowamynda bu iki kategoriýa, degişlilikde, 4,93% we 10,26% ýokarlandy.
HHR-iň Döwlet statistika edarasy Hytaýyň 16 ýaşdan 59 ýaş aralygyndaky zähmete ukyply ilatynyň sanynyň soňky 10 ýylda 40 milliondan gowrak adam azalandygyny we 880 mln töweregi bolandygyny habar berdi.