Bütindünýä saglygy goraýyş guramasynyň Global ýokanç kesellere taýýarlyk bölüminiň müdiri Silwi Brillonyň pikiriçe, koronawirus ýokançlygyna garşy göreş çäreleri dümew ýaly beýleki möwsümleýin kesellere garşy hem täsirli bolup çykdy. Bu barada Sputnik gullugy habar berdi.
Brillonyň aýtmagyna görä, planetanyň günortasynda dümew wirusynyň ýaýramagynyň rekord derejede peselendigi hasaba alyndy. Şeýle-de bu görkeziji planetanyň demirgazyk böleginde hem aşaklady.
"Iki çaklama bar. Olaryň biri - COVID-iň ýaýramagyny azaltmak üçin görülýän çäreleriň dümewiň garşysyna hem täsirliligini aýtmak has kanagatlandyrýar" diýip, Brillon belleýär.
Şu ýyl dümew wirusynyň we beýleki möwsümleýin ýokanç keselleriň sany azaldy. Şol sebäpli-de beýleki keselleriň ýaýramagyny azaltmak üçin koronawirusa garşy göreşmek boýunça görülýän ähli çäreleri mundan beýläk hem berjaý etmek gerek diýip, Brillon nygtaýar.
