«Sputnik V» sanjymy tassyklan ýurtlaryň sany boýunça dünýäde ikinji boldy

«Sputnik V» sanjymy tassyklan ýurtlaryň sany boýunça dünýäde ikinji boldy

Russiýanyň koronawirusa garşy “Sputnik V” sanjymy  dünýäniň 45 ýurdunda tassyklandy, bu görkeziji şuňa meňzeş derman serişdeleriniň arasynda ikinji orunda durýar diýip, vedomosti.ru habar berýär.

Häzirki wagtda “Sputnik V” kadalaşdyryjylar tarapyndan tassyklamalaryň sany boýunça dünýäde koronawirusa garşy ikinji meşhur sanjymdyr” – diýip, ony taýýarlaýjylar habar berdi.

4-nji martda rus sanjymynyň ulanylmagyny tassyklan 45-nji ýurt Yrak boldy.
Derman serişdesini ulanmaga razy bolan döwletleriň sany boýunça dünýäde birinji orny 49 ýurtda ygtyýarnama berlen AstraZeneca sanjymy, üçünji orny Pfizer amerikan kompaniýasynyň sanjymy eýeleýär (43 ýurt). Onuň yzyndan Moderna sanjymy (19 ýurt), şeýle-de üç sany hytaý sanjymy – Sinopharm (18), Sinovac (16), CanSino (4) gelýär. Sekizinji orunda Johnson & Johnson sanjymy ýerleşýär, ony dört ýurt tassyklady.