Türkmenistan Ykdysady Hyzmatdaşlyk Guramasynda başlyklygy kabul etdi

  • 04.03.2021 23:53
  • 14k+

Türkmenistan Ykdysady Hyzmatdaşlyk Guramasynda (YHG) başlyklyk edip başlady. Ýurdumyz üçin bu möhüm hadysa YHG-nyň liderleriniň şu gün geçirilen 14-nji sammitiniň çäginde bolup geçdi. Sammit Türkiýäniň Prezidenti Rejep Taýyp Ärdoganyň ýolbaşçylygynda onlaýn görnüşde geçirildi. Bu barada Türkiýäniň Prezidentiniň metbugat gullugy habar berýär.

“COVID-19-dan soňky döwürde sebitleýin ykdysady hyzmatdaşlyk” atly sammite Türkmenistanyň Prezidenti Gurbanguly Berdimuhamedow, Özbegistanyň Prezidenti Şawkat Mirziýoýew, Gazagystanyň Prezidenti Kasym-Jomart Tokaýew, Gyrgyz Respublikasynyň Prezidenti Sadyr Japarow, Owganystanyň Prezidenti Mohammed Aşraf Gani, Azerbaýjanyň Prezidenti Ilham Alyýew, Pakistanyň Premýer-ministri Imran Han we beýleki ýokary derejeli myhmanlar gatnaşdy. Şeýle hem bu sammite Energetika Hartiýasynyň hem-de Türk Geňeşiniň baş sekretarlary hem synçy hökmünde gatnaşdy.
Sammitiň barşynda esasy üns pandemiýanyň ykdysadyýete ýetiren ýaramaz täsirlerini ýeňip geçmeklige gönükdirildi.
Sammitde çykyş edenler COVID-19 pandemiýasy zerarly ýüze çykan ykdysady hem sosial çökgünlikleri ýeňip geçmek üçin bilelikdäki hereketlere taýýardygyny, bu ugurda işjeň hereketleri alyp barmak üçin YHG-da ähli mümkinçilikleriň bardygyny nygtadylar. 
Sammitiň barşynda şeýle hem bilelikdäki ykdysady, ynsanperwer we söwda hyzmatdaşlygyny  berkitmek boýunça çäreler maslahatlaşyldy.
Sammitiň ahyrynda oňa gatnaşyjylar Türkmenistana Ykdysady Hyzmatdaşlyk Guramasynda üstünlikli başlyklyk etmegi arzuw etdiler.

şu gün 09:33
2.9k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

şu gün 09:25
515

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
3.6k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...