Çempionlar ligasynyň 1/8 final tapgyrynda Madridiň «Atletikosy» «Çelsiden» utuldy. Duşuşyk Buharestde «Nasional» stadionynda geçirildi we londonly klubuň 1:0 hasabynda ýeňşi bilen tamamlandy.
Duşuşygyň 68-nji minudynda «Çelsiniň» hüjümçisi Oliwýe Žiru owadan üstaşyr urgusy bilen topy derwezä gönükdirdi. Ilkibaşda gapdal emin oýundan daşardaky ýagdaýy hasaba aldy, emma VAR gözegçiliginden soň emin goly hasaba aldy. «Atletiko» ýer eýesi hökmünde meýdança çykypdy. Epidemiologik ýagdaý zerarly dörän kynçylyklaryň netijesinde futbol duşuşygyny bitarap meýdançada geçirmeli boldy.
Tapgyryň ugurdaş duşuşygynda Rimiň «Olimpiko» stadionynda «Lasio» öz meýdançasynda Mýunheniň «Bawariýasyny» kabul etdi. Duşuşyk mýunhenlileriň 4:1 hasabynda ýeňşi bilen tamamlandy.
9-njy minutda Robert Lewandowskiý hasaby açdy. 24-nji minutda Jamal Musaila hasaby 2:0 etdi. 42-nji minutda Leroý Zane üçünji pökgini girizdi. 47-nji minutda «Lasiodan» Françesko Açerbi öz derwezesine pökgi girizip, hasaby 4:0 etdi. Iki minut soň, Hoakin Korrea ýeke-täk jogap pökgüsini girizmegi başardy.
Bu klublaryň arasyndaky jogap duşuşygy 18-nji martda 01:00-da (Aşg. wagty bilen) geçiriler.
25-nji fewralda gije sagat 01:00-da «Atalanta» Madridiň «Realy», «Mançester Siti» bolsa, Mönhengladbahyň «Borussiýasy» bilen duşuşar.
