Ýakynda dünýäniň ýedi gezek çempiony Lýuis Hemiltonyň Mercedes topary bilen şertnamasynyň möhletini uzaldandygy mälim boldy. The Sun britan neşiri «Formula 1-iň» şu möwsümde ýaryşa goşuljak 10 sany sürüjisiniň aýlyk haklarynyň jedwelini neşir etdi.
Lýuis sanawda birinji ýerde ýerleşdi. Ol sanawda özünden soňky üç sürüjiniň zähmet hakyny goşanyňdakydan hem köp pul gazanar. Görkezilen pul möçberine goşmaça tölegler we sowgatlyklar girmeýär. Sanawy auto.mail.ru ýetirýär.
1. Lýuis Hemilton, 36 ýaş, Mercedes topary. Aýlyk haky 40 million funt
2. Maks Ferstappen, 23 ýaş, Red Bull Racing, 18,2 million funt
3. Şarl Lekler, 23 ýaş, Ferrari, 10,19 million funt
4. Daniel Rikkardo, 31 ýaş, McLaren, 10,19 million funt
5. Karlos Saýns, 26 ýaş, Ferrari, 7,28 million funt
6. Sebastýan Fettel, 33 ýaş, Aston Martin, 7,28 million funt
7. Fernando Alonso, 39 ýaş, Alpine, 6,55 million funt
8. Waltteri Bottas, 31 ýaş, Mercedes, 5,82 million funt
9. Serhio Peres, 31 ýaş, Red Bull, 4,37 million funt
10. Kimi Raýkkonen, 41 ýaş, Alfa Romeo, 3,64 million funt