UEFA Ýewropanyň öňdebaryjy klublarynyň Çempionlar ligasynyň ornuny tutjak we guramadan garaşsyz boljak Super ligany döretmek isleýändigi sebäpli esasy ýewrokubok ýaryşyny üýtgetmegi göz öňünde tutýar, diýip AS neşirine salgylanyp, championat.com habar berýär.
Geçen ýylyň oktýabr aýynda öňdebaryjy ýurtlardan birnäçe klubuň 2022-nji ýyla çenli Super liga 5 milliard ýewro býujet bilen birleşmegi maslahatlaşýandygy belli boldy. 21-nji ýanwarda Halkara futbol federasiýasy (FIFA) we alty konfederasiýa ýapyk liganyň döredilmegini ykrar etmeýändiklerini we şeýle ýaryşa gatnaşýanlaryň FIFA tarapyndan gurnalan ýaryşlara goýberilmejekdigini aýdyp çykyş etdiler.
Häzirlikçe ýaryşyň nähili üýtgejekdigi belli däl. Häzirki wagtda UEFA-nyň prezidenti Aleksander Çeferin bäş klub – Madridiň “Realy”, “Ýuwentus”, “Mançester Ýunaýted”, “Fenerbahçe” we “Pari Sen-Žermen” bilen gepleşik geçirýär.
UEFA täze Çempionlar ligasyny 2024-nji ýylda başlajak we azyndan 2033-nji ýyla çenli dowam etjek dokuz ýyllyk taslama hökmünde meýilleşdirýär. Ýöne turniriň bir ýyl ir başlamagy hem mümkin.
