Transfermarkt portaly 2020-nji ýylda beýlekilere garanda transfer bahasy has pese gaçan futbolçylaryň onlugyny hödürledi diýip, www.sport.ru habar berýär.
Reýtingiň lideri Madridiň “Realynyň” belgiýaly hawbeki Eden Azar boldy. 29 ýaşly oýunçy 60 mln ýewro arzanlady. Häzirki wagtda Azar 60 mln bilen bahalandyrylýar.
Ikinji orny “Interiň” ýarym goragçysy Kristian Eriksen eýeledi. Daniýaly oýunçy 55 mln ýewro arzanlady we häzir onuň bahasy 35 mln.
Üçünji orunda “Tottenhemiň” hawbegi Dele Alli ýerleşdi. Onuň bahasy 52 mln ýewro pese gaçdy. Häzir ol 38 mln bilen bahalandyrylýar.
Bulardan başga-da, arzanlan futbolçylaryň onlugyna şular girdi:
Rahim Sterling (“Mançester Siti”, 50 mln ýewro arzanlady, transfer bahasy 110 mln ýewro),
Kepa Arrisabalaga (“Çelsi”, 45 mln ýewro ýitirdi, bahasy 15 mln ýewro),
Lionel Messi (“Barselona”, 40 mln ýewro ýitirdi, bahasy 100 mln ýewro),
Antuan Grizmann (“Barselona”, 40 mln ýewro ýitirdi, bahasy 80 mln ýewro),
N’Golo Kante (“Çelsi”, 40 mln ýewro ýitirdi, bahasy 60 mln ýewro),
Pol Pogba (“Mançester Ýunaýted”, 35 mln ýewro ýitirdi, bahasy 65 mln ýewro),
Aleksandr Lýakazett (“Arsenal”, 35 mln ýewro ýitirdi, bahasy 35 mln ýewro).