Aýdym aýtmak ömri uzaldýar we ýady kämilleşdirýär

Aýdym aýtmak ömri uzaldýar we ýady kämilleşdirýär

Aýdym aýtmak adam saglygyna oňyn täsir edip, ömrüň dowamlylygyny ýokarlandyryp biler diýip, “Express” neşiri britan alymlaryna salgylanyp ýazýar. Bu barada RIA Nowosti habar berýär.

Bellenilişi ýaly, bu iş adamyň hem psihiki, hem fiziki ýagdaýyny gowulandyrýar. Hususan-da, aýdym aýtmak demensiýa we Alsgeýmer keseliniň howpuny azaldyp, depressiýa alamatlaryny aýryp bilýär.
Hünärmenler söýgüli aýdymlar ýerine ýetirilende hal-ýagdaýyňy gowulandyrýan, adamy ruhubelent we bagtly duýmaga mejbur edýän endorfinleriň bölünip çykýandygyny belleýärler. Şol bir wagtyň özünde ses ukybynyň bolmagy hökmany däl, çünki aýdym aýtmak hiline garamazdan bedene oňyn täsir edýär.
Hünärmenleriň maglumatlaryna görä, aýdym aýtmak beýnini kislorodyň uly mukdary bilen üpjün edip, onuň işine sagaldyş täsirini ýetirýär, şeýle-de gan basyşyny peseldip bilýär.