Türkmen ýokary okuw mekdebi rumyn uniwersitetleri bilen şertnama baglaşdy

  • 07.12.2020 23:08
  • 9.8k+

Aşgabatda ýerleşýän Halkara ynsanperwer ylymlary we ösüş uniwersiteti Rumyniýanyň iki uniwersiteti bilen hyzmatdaşlyk barada şertnamalara gol çekdi. Gol çekmek dabarasy ýurdumyzyň ähli pudaklarynyň gazananlaryny görkezýän we Türkmenistanyň hemişelik Bitaraplygynyň 25 ýyllygyna bagyşlanan köpugurly serginiň çäginde geçirildi.

Türkmen we rumyn uniwersitetleriniň ýolbaşçylary göni onlaýn baglanyşygynyň barşynda şertnama baglaşdylar. Gol çekilen ilkinji resminama, Halkara ynsanperwer ylymlary we ösüş uniwersiteti bilen Rumyniýanyň iň gowy ýigrimi okuw jaýynyň biri bolan Piteşti (The University of Pitesti) uniwersitetiniň arasynda özara düşünişmek baradaky Ähtnama boldy.
Şeýle hem Halkara ynsanperwer ylymlary we ösüş uniwersiteti Ýewropanyň ýokary bilim giňişliginiň, şeýle-de Ýewropa uniwersitetler assosiasiýasynyň agzasy bolan Arad şäheriniň Wasile Goldiş Günbatar Uniwersiteti (Vasile Goldis Western University of Arad) bilen hyzmatdaşlyk hakynda Şertnama gol çekdi.
Taraplar ýokary bilim pudagynda türkmen-rumyn hyzmatdaşlygynyň güýçlendirilmegine itergi bermek üçin gol çekilen resminamalary durmuşa geçirmäge taýýardyklaryny tassykladylar.

düýn 22:13
899

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
1.1k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.5k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...

23.11.2025 22:56
5.2k+

Merkezi Aziýa döwletleri ýokary okuw mekdepleriniň diplomlaryny özara ykrar etmek barada ylalaşdylar

Merkezi Aziýa döwletleri akkreditirlenen ýokary bilim edaralary tarapyndan berlen diplomlary özara ykrar etmek barada ylalaşyga gol çekdiler. Orient agentliginiň Zakon.kz portalyna salgylanyp ýazmagyna görä, resminamada sebitiň döwletleriniň, şol sanda Türkmenistanyň hem, şeýle diplomlary umumy şertlerde ykrar etmek barada ylalaşandygy aýdylýar...