Minutda has köp awtoulag öndürýän ýurt we kompaniýa haýsy?

  • 07.12.2020 22:52
  • 22k+

Häzirki wagtda awtomobil pudagy uly girdeji gazanýar. Bir minutda haryt dolanyşygy 1 000 000 000-a ýetýär. Her ýyl konweýerden 100 000 000 töweregi täze awtoulag çykýar.

Hünärmenler haýsy ýurduň şol bir wagtda has köp awtoulag öndürýändigini anyklamak kararyna geldiler we munuň üçin reýting düzdüler. Bu barada car.ru habar berýär.
Mysal üçin, Hytaýda bir minutda konweýerden 49 awtoulag çykýar. ABŞ-da bu görkeziji hatda 21-e hem ýetmeýär, Ýaponiýada bir minutda 18 awtoulag çykarylýar. Russiýada her minutda 3 sany täze awtoulag öndürilýär. Bu görkeziji Italiýa we Türkiýe bilen deňeşdirilende ýokarydyr.
Şeýle-de, hünärmenler Volkswagen we Toyota kompaniýalarynyň awtoulaglary has çalt öndürýändigini bellediler. Konweýerden bir minutda 20 awtoulag çykýar. Hyundai kompaniýasy şol bir wagtda 14, GM 13 sany awtoulag ýygnaýar. Liderleriň sanawynda Ford we Nissan kompaniýalary hem bar. Birinjisi 60 sekuntda 12, ikinjisi 11 awtoulag öndürýär. Ýedinji orunda her minutda 10 awtoulag öndürýän Honda ýerleşdi. Sekizinji orny minutda 8,8 ulagy öndürýän FCA konserni eýeledi, liderleriň onlugyny Renault bilen PSA jemleýär. Olar minutda degişlilikde 7,9 hem-de 6,9 ulag öndürýärler.
Şunuň bilen baglanyşykly şeýle sorag ýüze çykýar – awtoulag öndürijileri bir minutda näçe gazanýarlar? Ýüzlerçe müň dollar. Şeýlelikde, Honda we BMW öz modellerini iň ýokary, Peugeot bolsa iň pes baha bilen bahalandyrýar.

düýn 11:34
7k+

Lexus Hytaýda täze zawodynyň gurluşygyna başlady

Lexus kompaniýasy elektromobil önümçiligi boýunça Hytaýdaky ilkinji zawodynyň gurluşygyna başlady. Kärhana Şanhaý şäheriniň golaýynda ýerleşer we ilkinji awtoulaglar konweýerden 2027-nji ýylda çykyp başlar diýip, CarNewsChina neşiri habar berýär...

düýn 11:31
1.4k+

Nissan Qashqai ilkinji bolup üçünji nesil e-Power gibrid ulgamy bilen çykar

Nissan kompaniýasy e-Power gibrid ulgamynyň üçünji neslini hödürledi. Täze ulgam ilki bilen Ýewropa bazary üçin niýetlenen Qashqai krossowerine ornaşdyrylar. Modeliň önümçiligine Sanderlanddäki (Beýik Britaniýa) zawodda eýýämden başlandy, satuwlary bolsa sentýabr aýyna meýilleşdirilýär...

düýn 01:01
3.8k+

Barlag: wnedorožnikleriň gözýetim meýdanynyň 25 ýylda 58% ýaramazlaşandygyny görkezdi

Soňky 25 ýylda awtoulaglaryň göwrüminiň yzygiderli ulalmagy sürüjiniň oturan ýerinden gözýetimiň ep-esli peselmegine sebäp boldy. Awtoulag howpsuzlygy boýunça Amerikan ätiýaçlandyryş institutynyň (IIHS) berýän maglumatlaryna görä, ABŞ-nyň Ulag ministrliginiň seljerijileri birnäçe meşhur modeller üçin bu görkezijiniň 58% peselendigini hasaba aldylar...

düýn 00:58
2.9k+

Mercedes arka ganatdaky kemçilik sebäpli «AMG One» giperkarlaryny yzyna çagyrýar

Mercedes-Benz kompaniýasy bilen Germaniýanyň Federal awtotransport edarasy bilelikde 275 sany nusgada öndürilen Mercedes-AMG One giperkarlarynyň 219-synyň yzyna çagyrylýandygyny mälim etdi. Bu bolsa ähli öndürilen modelleriň, takmynan, 80%-i diýmek bolýar...