Türkmenistanda agyz suwunyň täze ýataklary ýüze çykaryldy

  • 14.11.2020 19:00
  • 14k+

Ýurdumyzda agyz suwunyň täze gorlary ýüze çykarylyp, Türkmenistanyň ýerasty suw gorlarynyň kartasynda birnäçe täze ýataklar bellige alyndy diýip, "Türkmenistan: altyn asyr" internet neşiri habar berýär.

Ýurdumyzyň suw hojalygy pudagynyň hünärmenleri bu açyşy goşmaça suw çeşmelerini çykarmak boýunça işleriň möhüm bölegi hasaplaýarlar diýlip, neşirde aýdylýar. Sebäbi Türkmenistanyň çäginde gidrogeologik şertler çylşyrymly we ol geologik gurluşa, fiziki we geografik şertlere bagly bolup durýar. Şonuň üçin hem territoriýanyň üçden iki böleginde derýa akabalary ýok. Süýji ýerasty suwlar bolsa çäkli ýerlerde bar. Düzgün bolşy ýaly, bu dördünji gatlaga çenli suw çeşmeleri Köpetdagda, Uly Balkanda we Köýtendagda - atmosfera suwlarynyň çökmeginiň hasabyna, Amyderýa, Murgap, Tejen derýalarynyň we Köpetdagdaky derýajyklaryň (Çandyr, Sumbar, Arçabil, Altyýap, Sekizýap we başgalar) jülgelerinde - kanal ýitgileri sebäpli emele gelýär.
Şu ýyl geçirilen gözlegleriň dowamynda "Türkmengeologiýa" döwlet korporasiýasynyň Daşoguz ekspedisiýasyna degişli türkmen gidrogeologlary Daşoguz welaýatynyň Gurbansoltan eje etrabyndaky Uçkepderi meýdançasynda we Gubadag etrabyndaky Dostluk meýdançasynda agyz suw gorlaryny ýüze çykardylar. "Türkmengeologiýa" döwlet korporasiýasynyň gidrogeologiýa bölüminiň hünärmenleriniň bellemegine görä, täze suw ýataklary - muňa iň golaý ýerleşen "Çopanýap" we "Çagatýap" obalarynyň ilatyny oňat hilli suwlar bilen üpjün etmekde möhüm orun eýelär.

düýn 19:27
5.3k+

Kanadadan içi hatly çüýşe Atlantikany geçip, Irlandiýa bardy. Ol 13 ýyldan soň tapyldy

Irlandiýadan är-aýal Jon we Keýt Geý Atlantik ummanynyň günbatar kenarynda 2012-nji ýylda kanadaly jübüt tarapyndan Bell-Aýlend adasyndan iberilen içi hatly çüýşäni tapdy. Bu barada The Guardian neşiri habar berýär...

düýn 19:24
3.8k+

Germaniýada arheologlar ýaşy 125 000 ýyl bolan gadymy ýag “fabrikasyny” tapdy

Arheologlar Germaniýadaky Noýmark-Nord diýen ýerde 172 haýwanyň – atlaryň, sugunlaryň we öküzleriň 2000-den gowrak süňk bölegini tapdy. Süňkler döwlüp, ýag almak üçin gaýnadylypdyr. Bu 125 müň ýyl ozal neandertallar tarapyndan ýagyň işlenmeginiň subutnamasydyr diýlip, Science Advances žurnalynda ýerleşdirilen habarda aýdylýar...

düýn 19:23
2.4k+

Gizadaky Sfinksiň aşagynda 1200 m çenli çuňlukda ýerasty gurluşlaryň yzlary tapyldy

Müsüri öwrenmek bilen meşgullanýan italiýaly alymlaryň topary Giza belentliginiň aşagynda ýerasty desgalaryň yzlarynyň tapylandygyny habar berdi. Daily Mail-iň ylmy gözlege gatnaşyjylara salgylanyp ýazmagyna görä, alymlar, esasan, Uly Sfinks heýkeliniň töwereklerine ünsi jemledi...

düýn 19:16
1.5k+

Jeýn Birkine degişli bolan Hermès ýantorbasy rekord 10 mln dollara satyldy

Asly Britaniýadan bolan fransiýaly aýdymçy we aktrisa Jeýn Birkine degişli bolan ilkinji Hermès Birkin ýantorbasy Sotheby’s auksionynda komissiýa tölegleri bilen birlikde rekord 10 mln dollara (8,6 mln ýewro) satyldy...