Absolýut göreş çempionatynyň (UFC) prezidenti Deýna Uaýt garyşyk stiliň (MMA) rus söweşijisi Habib Nurmagomedowyň kakasy üçin ringe dolanyp biljekdigini aýdýar. Bu barada iz.ru habar berdi.
Soňky söweşden soň UFC-niň ýolbaşçysy türgen bilen söhbetdeş boldy. Uaýt Nurmagomedowyň ýeňişden soň aşa emosional bolandygyny belledi.
“Men Habib bilen gürleşdim. Ol Getji bilen söweşden soň örän emosional ýagdaýdady. Men onuň 30-njy ýeňiş üçin dolanjakdygyny duýýaryn, Habib hasaby 30-0 etmek islär. Ol bütinleý gidendir diýip pikir edemok. Kakasy hasabyň 30-0 bolmagyny isläpdi, şonuň üçin Habib kakasynyň islegini hasyl etmek maksady bilen dolanyp biler” – diýip, ol CBS Sports Radio ýaýlymynda aýtdy.
Soňky gezek Nurmagomedow amerikaly Jastin Getjini ikinji raundda demikdiriji usul bilen ýeňdi we ýeňil agramda UFC-niň çempiony titulyny gorady. Özüniň soňky söweşini ol iýulda koronawirus sebäpli ýüze çykan kynçylyklardan ýogalan kakasy Abdulmanap Nurmagomedowa bagyşlady we karýerasyny tamamlaýandygyny mälim etdi.
Garyşyk başa-baş göreşde Nurmagomedow jemi 29 söweş geçirdi, ol ýeke gezek hem ýeňlişe sezewar bolmady.
