“Barselonanyň” tälimçisi Ronald Kuman "Ýuwentus" bilen myhmançylykda geçen duşuşygy toparyň möwsümdäki iň gowy oýny diýip atlandyrdy. Çempionlar ligasynyň toparçalaýyn tapgyrynyň çäginde geçen bu duşuşykda "Barselona” 2:0 hasabynda ýeňiş gazandy. Gollary Usman Dembele we 11 metrlik jerime urgusyndan Lionel Messi öz adyna ýazdyrdy.
"Men görkezen oýnumyzdan örän hoşal" - diýip, häzirki wagtda toparda düýpli özgertmeleri geçirýän golland hünärmeni aýtdy.
“G” toparçasynyň başga bir oýnunda Wengriýanyň “Ferenswaroş” topary öýünde Kiýewiň “Dinamosy” bilen deňme-deň oýnady. Hasap - 2:2. Netijede, “Barselona” gazanan iki ýeňşi bilen alty utuk toplap, sanawda birinji ornuny berkitdi.
“E” toparçada Londonyň “Çelsisi” “Krasnodary” myhmançylykda 0:4 hasabynda ýeňdi. Ispaniýanyň “Sewilýasy” bolsa fransuzlaryň “Renn” toparyny 1:0 hasabynda ýeňdi.
"F" toparçada Dortmundyň "Borussiýasy" “Zenidi” 0:2 hasabynda ýeňdi. "Brýugge" we "Lazio" bolsa 1:1 hasabynda deňme-deň oýnady.
"H" toparçada “Mançester Ýunaýted” “Leýpsigiň” öýünde "harasat gopduryp", nemes klubynyň derwezesine bäş sany jogapsyz pökgi geçirdi.
Bu toparçadaky beýleki oýunda "PSŽ" myhmançylykda "Istanbuly" ýeňdi.
