“Ýuwentusyň” we Portugaliýanyň ýygyndy toparynyň futbolçysy Kriştianu Ronaldu özüniň instagram hasabyndan göni ýaýlymyň dowamynda Habib Nurmagomedow bilen Jastin Getjiniň arasynda boljak söweş barada pikirini aýtdy. Bu barada sovsport.ru habar berýär.
“Kim ýeňer? Elbetde, meniň doganym Habib!” – diýip, Ronaldu öz abunaçysynyň 24-nji oktýabrda Abu-Dabide “Söweş adasynda” geçiriljek duşuşygyň netijesi hakdaky soragyna jogap berdi.
Kriştianu Ronaldu Madridiň «Real» toparynda oýnaýan wagtyndan bäri Habib bilen dostlukly gatnaşygyny saklaýar. Habibiň özi hem oýunlardan soňra birek-birek bilen habarlaşýandyklaryny, pikir alyşýandyklaryny we gowy gatnaşyk saklaýandyklaryny aýdýar.
Nurmagomedow bilen Getjiniň söweşi 24-nji oktýabrda bolar, ol UFC 254 turniriniň çäginde geçiriler. Habib ýeňil agramda çempion guşagyny goramak üçin çykar.
Ilkibaşda söweş Abu-Dabide sentýabr aýynda geçmelidi, ýöne iýulyň başynda Habibiň kakasy we tälimçisi Abdulmanap Nurmagomedowyň aradan çykmagy sebäpli, söweş yza süýşürildi.