Counterpoint Research analitik kompaniýasynyň maglumatlaryna görä, Samsung kompaniýasy smartfon bazarynda birinji orny eýeleýär. Bu barada csn-tv.ru habar berýär.
Şeýle üýtgeşmeler, hususan-da, Huawei kompaniýasynyň dünýädäki smartfon bazarynda 6% ýitgisi bilen baglanyşyklydyr. 2019-njy ýylyň fewralyndan bäri Huawei önümçilik kuwwatyny artdyryp, öňdebaryjy kompaniýalaryň hataryna giripdi, ýöne indi ýagdaý üýtgedi.
Analitikler Samsung kompaniýasy täze smartfonlaryň, mobil prosessorlarynyň satuwy netijesinde öňdebaryjy orna çykar diýip çaklaýarlar. Satuwyň 20,7% ösmegine garaşylýar.
Ýatlap geçsek, 2020-nji ýylyň üçünji çärýeginde Samsung kompaniýasy 80 mln telefon satdy, bu 2020-nji ýylyň aprel-iýun aýlarynda satylandan 50% köpdür. Planşetleriň satuwynyň hem ýokarlanandygy habar berilýär. Ösüş 45 göterime deň boldy.
Huawei kompaniýasynyň smartfon satuwy Germaniýada hem birneme pese gaçdy diýlip, analitik kompaniýasynyň derňew işinde habar berilýär. Geçen ýylyň ikinji çärýegi bilen deňeşdirilende, kompaniýanyň nemes smartfon bazaryndaky paýy 20%-den 18%-e çenli azaldy. Bazaryň özi hem koronawirus pandemiýasy sebäpli 27% pese gaçdy.
Bu ýerde hem bazaryň lideri özüniň paýyny 36%-den 37%-e çenli artdyran Samsung koreý kompaniýasy boldy. Ikinji orunda gelýän Apple kompaniýasynyň hem paýy 16%-den 23%-e çenli ýokarlandy. 5% paý alyp, dördünji bolan Xiaomi uly ösüşi görkezdi, geçen ýyl kompaniýa nemes bazarynyň bary-ýogy 1%-ini eýeläpdi.
