“Ýuwentusyň” hüjümçisi Kriştianu Ronaldu YouGov gözleg merkeziniň wersiýasy boýunça, planetanyň iň abraýly türgeni diýlip ykrar edildi. Bu barada metaratings.ru habar berýär.
Dünýäniň dürli künjeginden jemgyýetçilik adamlarynyň umumy reýtinginde portugaliýaly türgen altynjy orny eýeledi. Ronaldudan ýokarda gonkongly aktýor, söweş sungatynyň ussady Jeki Çan, Hindistanyň premýer-ministri Narendra Modi, HHR-iň prezidenti Si Szinpin ýerleşdi. Reýtingde birinji orny ABŞ-nyň 44-nji prezidenti Barak Obama, ikinji orny Microsoft korporasiýasyny esaslandyryjy Bill Geýts eýeledi.
Onluga AliExpress-iň eýesi Jek Ma, tibet buddizmine uýýanlaryň ruhy lideri Dalaý-lama, oýlap tapyjy Ilon Mask we aktýor Kianu Riwz hem girdi. “Barselonanyň” hüjümçisi Lionel Messi reýtingde türgenleriň arasynda ikinji boldy we umumy sanawda 11-nji orny eýeledi, ol Russiýanyň prezidenti Wladimir Putinden bir setir ýokarda ýerleşdi.