Irlandiýaly söweşiji Konor MakGregor “Absolute Fighting Championship”-iň (UFC) ýeňil diwizionynyň reýtinginde bir basgançak aşak düşürildi. Bu barada guramanyň resmi web sahypasyna salgylanyp, RIA Nowosti habar berýär.
Reýtingiň täzelenen wersiýasynda MakGregor ýeňil agramda täze zelandiýaly Den Hukerden soň bäşinji orunda ýerleşdi. Şonuň bilen birlikde, ol UFC-niň agram derejesine garamazdan iň güýçli erkek söweşijileriniň sanawynda onunjy ornuny saklap galdy. Tomusda sportçynyň öz karýerasyny tamamlaýandygyny mälim etmegi geň galdyrýar.
Şeýle hem Toni Fergýusonyň erkin reýtingde ýokary galmagy bellärliklidir. Ol awstraliýaly Robert Wittakerden we braziliýaly Deýwezon Figeredodan öňe geçip, 12-nji ýeri eýeledi. Amerikaly Jon Jones UFC-niň iň güýçli söweşijileriniň umumy sanawynda öňdeligi saklap galýar, sanawda ondan soň ýeňil agramda guşagyň eýesi russiýaly Habib Nurmagomedow ýerleşýär.
Ýarym orta agram derejesinde hem üýtgeşmeler bar. Onda amerikaly söweşiji Kolbi Kowington öz watandaşy Taýron Wudlini ýeňenden soň, braziliýaly Gilbert Börnsden öňe geçip, birinji orna gaýdyp geldi. UFC-iň öňki çempiony Wudli iki basgançak aşaklap, ýedinji orunda ýerleşdi.