Güýzde krossowka ýaly gysga gonçly aýakgaplary geýmek saglyga zyýan ýetirip biler. Trawmatolog-ortopedist, osteopat, lukmançylyk ylymlarynyň kandidaty Konstantin Ternowoý Sputnik radiosyna beren interwýusynda ýylyň bu möwsüminde nähili aýakgaplary geýmelidigini aýtdy. Hünärmeniň maslahatlaryny RIA Nowosti ýetirýär.
Soňky döwrüň modasyna eýerip, adamlar hatda sowuk howada-da topuklaryny ýapmaýan aýakgaplary we gysga balaklary geýýärler. Munuň özi aýagyň damarlarynyň aşa sowuklamagy we çişmegi ýaly howplary döredýär diýip, lukman duýdurýar.
«Aýaklaryňyzy gury aýakgapda saklamaly, aýakgap möwsümine görä, suw geçirmeýän bolmalydyr we gysga bolmaly däldir. Mata krossowkalaryň hiç biri-de aýagyňyzy goramaz. Döwrebap şäherde çygly aýaklar sowuklama, aýagyň damarlarynyň çişmegi bilen howp salýar – aýaklar gyzarýar, ýöremek kynlaşýar, bu bolsa agyrylaryňa döremegine sebäp bolup biler" – diýip, Ternowoý belleýär.
«Bu ideýa öňden bäri bar: jenaplaryň geýýän model aýakgaplary onuň bilen hutma-hut gabat gelýän galoş bilen geýilýär. Bu iňlisleriň köne oýlap tapyşy, ýöne indi ol ulanylmaýar» – diýip, Ternowoý söhbetdeşlikde aýtdy.
Onuň bellemegine görä, howanyň temperaturasy gündizine 14 derejä gelende, eýýäm güýz aýakgaplaryna geçibermeli.
«Güýz aýakgaplary gyş aýakgaplary däl, aýaklar öte gyzmaz ýaly, derrew ädik geýmek hökman däl. Ýogsam, günüň ahyryna çenli ýakymsyz ys dörär, aýakgap we köwşüň petekleri zaýalanyp başlar. Ofisde rahat bolar ýaly, çalşyrgyç aýakgap ulanmak – gowy pikir» – diýip lukman aýdýar.