TikTok we WeChat-yň ulanyjylary Trampyň permanyna garşy kazyýete arza berýärler

TikTok we WeChat-yň ulanyjylary Trampyň permanyna garşy kazyýete arza berýärler

TikTok hytaý wideo-programmasy kazyýetde ABŞ-nyň Prezidenti Donald Tramp tarapyndan girizilen gadaganlyga garşy çykar. Bu barada BBC britan teleradio kompaniýasyna salgylanmak bilen bykvu.com habar berýär.

Amerikan lideriniň permany TikTok-a eýeçilik edýän ByteDance hytaý kompaniýasy bilen islendik şertnamany baglaşmagy gadagan etdi. Buýruk sentýabryň ortalaryndan güýje girýär.
Bu programmadan 80 million amerikanlar peýdalanýar.
ABŞ-nyň Prezidentiniň edarasy kompaniýany amerikan ulanyjylary barada maglumatlary Hytaý hökümetine bermekde aýyplaýar, ýöne ByteDance bu maglumaty ret edýär.
TikTok tas bir ýyl Ak öý bilen ylalaşyk gazanmakçy bolandygyny belleýär.

“Ýokary kanunyň bozulmajakdygyny we biziň kompaniýamyza hem-de ulanyjylara adalatly garalýandygyny kepillendirmek üçin bizde karara kazyýet arkaly garşy çykmakdan başga çykalga ýok” – diýip, kompaniýanyň wekili aýdýar.

Kazyýet işi şu hepdede başlanar.
WeChat internet tory-programmasyna şeýle gadaganlyga garşy hytaý gelip çykyşly amerikanlar topary aýratyn arza berdi.
WeChat messenjeri Tencent hytaý firmasyna degişli. Donald Trampyň “WeChat-yň howpy bilen göreş hakynda” permanyny programmany ulanyjylar “konstitusiýa garşy” diýip hasaplaýarlar.