«Bawariýa» Çempionlar ligasynda ýeňiji bolsa, «Barselona» «Liwerpula» 5 million ýewro tölär

«Bawariýa» Çempionlar ligasynda ýeňiji bolsa, «Barselona» «Liwerpula» 5 million ýewro tölär

Eger-de «Bawariýa» 2019/20 möwsüminiň Çempionlar ligasynda ýeňiji bolsa, «Barselona» «Liwerpula» mejbury ýagdaýda 5 million ýewro tölemeli bolar. Bu barada Goal neşirine salgylanyp, gazeta.ru habar berýär.

Munuň sebäbi hukuklary katalon toparyna degişli bolan ýarymgoragçy Filippe Koutinýonyň bu nemes klubynda çykyş edýändigi bilen baglanyşykly. «Barselona» braziliýaly futbolçyny iňlis klubyndan 2018-nji ýylda ispan kluby üçin rekord baha bolan 145 million ýewro satyn alypdy.
Koutinýonyň «Liwerpuldan» «Barselona» geçirilmegi baradaky şertnama eger-de ol katalonlaryň oýunçysy bolup Çempionlar ligasynda ýeňiji bolsa, iňlisleriň 5 million ýewro almalydygy baradaky maddany hem öz içine alýar.

Çempionlar ligasynyň çärýek final tapgyrynda «Barselona» «Bawariýadan» 2:8 hasabynda ýeňlişe sezewar boldy. Bu oýunda Koutinýo «Barselonanyň» derwezesine 2 gol geçirip, dubl etdi.