Gamaleýa adyndaky merkez tarapyndan taýýarlanan COVID-19 koronawirusyna garşy sanjymyň birinji tapgyry öndürildi, bu barada Russiýanyň Saglygy goraýyş ministrliginiň metbugat gullugy habar berdi. Muny INTERFAX.RU ýetirýär.
Önümçiligiň başlanýandygy barada ministrlikde öň, şenbe güni habar berildi. Gamaleýa adyndaky merkeziň müdiri Aleksandr Ginsburg koronawirusa garşy sanjymyň aýda 5 mln doza möçberinde önümçiligini dekabr-ýanwar aýynda amal etmegiň meýilleşdirilýändigini, ýurduň serişde bilen bir ýylyň içinde doly derejede üpjün ediljekdigini aýtdy.
Sanjym Zelenogradda (“Sistema” AMK-a girýär) “Binnofarm” farmaseptik kärhanasynda öndüriler. “Sistema” AMK (Aksioner maliýe korporasiýasy) “Binnofarm” kärhanasynyň ýylda 1,5 mln doza sanjymy öndürip biljekdigini habar berdi.
