Gollandiýanyň Açyk uniwersitetiniň we Erazmus lukmançylyk merkeziniň alymlary howada tozganyň peýda bolmagynyň hem-de grip ýokuşma sanynyň çalt azalmagynyň arasyndaky baglanyşygy açyp görkezýän makalanyň deslapky neşirini çap etdiler. Olar bu tendensiýanyň täze koronawirusa hem degişlidigine ynanýarlar. Bu barada iz.ru habar berýär.
Barlagçylar Gollandiýada 2016–2020-nji ýyllar aralygynda gripiň we tozanyň ýagdaýyny, şeýle hem COVID-19-yň ýaýraýşyny deňeşdirip gördüler. Tozganyň peýda bolmagy bilen Günüň işjeňleşmeginiň sazlaşygy baradaky maglumatlar dümew ýaly epidemiýalaryň, şol sanda koronawirusyň möwsümleýinligini görkezip biler diýen netijä geldiler.
Howada köp mukdarda tozganyň peýda bolmagy, wirusy öz içine alýan mikrodroplaryň birleşmegine sebäp bolup bilýär, bu bolsa onuň ýaýramagyny haýalladýar diýip, Moskwanyň Fizika we Tehnologiýa Institutynyň biofizika kafedrasynyň dosenti Oleg Batişýew «Известия» üçin eden çykyşynda aýtdy.
"Beýleki tarapdan seredeniňde, gülleme hadysasy howanyň we gün işjeňliginiň belli bir temperaturasynda başlaýar, bu hem wirusa täsir edýär, ýagny ýokary temperatura we ultramelewşe şöhle wiruslaryň ýaýramagyny gowşadýar. Şonuň üçin hem munuň ýönekeý bir tötänlik bolaýmagy hem ähtimal" - diýip, Batişew belleýär.
Neşiriň awtorlarynyň özleri, öz nusgalaryna görä, SARS-CoV-2 dümewiň beýleki wiruslary bilen bilelikde, demirgazyk ýarym şarda tozga möwsüminiň tamamlanýan döwründe - güýzde we gyşda has işjeň bolup biljekdigini öňe sürýärler.
