Hytaýyň demirgazygyndaky Şansi welaýatynda ýerleşýän kömür şahtasynda partlama boldy. Gynançly wakanyň netijesinde azyndan 90 adam pida boldy diýip, Hytaýyň döwlet CCTV telekompaniýasy habar berýär.
Partlama 22-nji maýda agşamara Sinýuan etrabyndaky «Lýuşenýuý» şahtasynda ýüze çykdy. Heläkçilik bolan pursadynda ýeriň aşagynda 247 sany şahtaçy bardy. Ilkibaşda sekiz adamyň wepat bolandygy we işgärleriň köpüsiniň howpsuz ýere göçürilendigi habar berildi.
Döwlet habar beriş serişdeleri şahtanyň içindäki ugar gazynyň derejesiniň «rugsat berlen ölçeglerden geçendigini» mälim etdiler.
Hytaý Halk Respublikasynyň Başlygy Si Szinpin dereksiz ýitenleri gözlemek we ejir çekenlere kömek bermek üçin ähli zerur çäreleri görmegi tabşyrdy. Ol şeýle hem heläkçiligiň sebäplerini derňemegi we günäkärleri jogapkärçilige çekmegi buýurdy.
Şahtany dolandyrýan Tongzhou Group kompaniýasydyr.
