Hytaýyň «Şençžou-20» kosmos gämisi 2026-njy ýylyň 19-njy ýanwarynda Ýere ekipažsyz üstünlikli gaýdyp geldi – kapsula Içki Mongoliýanyň Dunfen sebitinde boş gondy. Bu barada South China Morning Post habar berýär.
Illýuminatordaky çata garamazdan, germetikligiň bozulmagy bolup geçmedi, içindäki ýük hem abat galdy.
Bu çatlar 2025-nji ýylyň noýabrynda ýüze çykaryldy we olar mikroskopik kosmos zibili bilen çaknyşmagyň netijesinde dörän bolmaly. Şol sebäpli ekipaž bu gämini yzyna dolanmak üçin ulanyp bilmedi we stansiýa täze topary elten «Şençžou-21» gämisinde Ýere gaýdyp geldi. «Şençžou-20» Ýere adamsyz düşürildi, nobatçy ekipaž üçin bolsa boş «Şençžou-22» iberildi.
Orbitada Hytaý üçin rekord dokuz aý töweregi bolmak bilen, gämi inženerlere kyn şertlerde ulanyş barada gymmatly maglumatlary berdi we kosmos zibillerine has çydamly enjamlary işläp taýýarlamaga kömek eder.
