Jeep kompaniýasy "Ar alyjylar" (Мстители) kinofranşizasynyň meşhur gahrymany Kapitan Amerika bagyşlanan Wrangler wnedorožniginiň ýörite nusgasyny hödürledi. Täze önüm Marvel bilen hyzmatdaşlygyň çäginde döredilip, ol 2095 dollar bahasy bolan goşmaça bezeg toplumy görnüşinde elýeterli bolar.
Wersiýa America250 Edition diýlip atlandyryldy. Ol ABŞ-nyň Garaşsyzlyk jarnamasyna gol çekilmeginiň 4-nji iýulda belleniljek 250 ýyllygyna gabatlanyldy. Şeýle hem, Jeep brendiniň we Kapitan Amerika gahrymanynyň ikisiniň hem 1941-nji ýylda peýda bolandygy özboluşly simwoliki ähmiýete eýedir.
Ýörite nusganyň kuzowy ak reňkli bolup, gyzyl-gök reňkli grafikalar we ätiýaçlyk tekeriň gabyndaky supergahrymanyň galkanynyň şekili bar.
Oturgyçlardaky bezeg tikinleri, reňkli howpsuzlyk kemerleri we multimedia ulgamynyň ýörite başlangyç ekrany bilen üpjün edilen.
Deslapky maglumatlara görä, Jeep kompaniýasy dekabr aýynda ekranlara çykmagy meýilleşdirilýän "Ar alyjylar: Kyýamat güni" (Мстители: Судный день) filminiň mahabat işlerine hem gatnaşar. Brendiň bu taslamada nähili orun aljakdygy baradaky jikme-jiklikler häzirlikçe aýan edilmedi.
