Huawei kompaniýasy materiallary we gurluşy boýunça täze nesil akkumulýatorlary synagdan geçirýär. Insajer «Digital Chat Station-yň» berýän maglumatyna görä, bu batareýalaryň sygymy 10 000 mA·sag derejesinden geçip biler.
Peýda bolan maglumatlardan çen tutsaň, gürrüň diňe bir sygymyň artmagy barada däl-de, eýsem akkumulýatorlaryň düýbünden täze ulgamyna geçmek barada gidýär. Konstruksiýada başga görnüşli materiallar we öýjükleriň üýtgedilen gurluşy ulanylýar.
Bu çemeleşme enjamlaryň galyňlygyny artdyrmazdan, olaryň energiýa dykyzlygyny ýokarlandyrmaga mümkinçilik berer diýlip garaşylýar. Şeýle aýratynlyk häzirki zaman flagman smartfonlary üçin örän möhümdir.
Täze tehnologiýanyň haçan çykaryljakdygy ýa-da haýsy enjamlarda ulanyljakdygy baradaky maglumatlar entek açyk aýan edilmedi.
