Arizonanyň Kingman şäherinde dünýäde ilkinji elektrik ulaglarynyň taryhyna bagyşlanan muzeý açyldy. Bu muzeý taryhy «Route 66» ýolunyň ugrunda ýerleşýän «Arizona Route 66 Museum» toplumynyň bir bölegine öwrüldi.
Muzeýde pudagyň ösüşiniň dürli tapgyrlary – ilkinji nusgalardan başlap, häzirki zaman tehnologiýalaryna çenli görkezilýär.
Eksponatlaryň arasynda XX asyryň başyna degişli bolan «Detroit Electric» modelleri, şeýle hem elektro-ulaglaryň ösüş taryhy bilen baglanyşykly seýrek we eksperimental nusgalar bar. Bu ekspozisiýanyň döredilmegi hususy kolleksiýaçylaryň başlangyjy bolup, muzeýiň esasyny ilkinji gezek 2014-nji ýylda «Route 66» festiwalynda köpçülige görkezilen taryhy elektro-ulaglar düzdi.
Sebitiň syýahatçylyk düzümine goşulan bu toplumyň çäginde gelýänler üçin ýörite elektro-ulag zarýad beriş stansiýasy hem gurnaldy.
