«GDT 2026-njy ýylyň tebigat fotografy» bäsleşiginiň eminleri ýeňijileri kesgitlediler. Bu bäsleşige 15 ýurtdan gelen suratçylaryň 9 müňe golaý işi gatnaşdy.
Bäsleşigiň baş baýragyna we «Haýwanlar» kategoriýasyndaky ýeňşe 20 ýaşly fotograf Luka Lorensiň düşüren alp towşanynyň suraty mynasyp boldy. Surat kameranyň bilgeşleýin hereket etdirilmegi we uzak wagtlap saklanylmagy arkaly düşürilipdir. Netijede, towşan tebigat bilen birleşip, onda edil eräp gidýän ýaly täsin görnüş emele gelipdir.
Bäsleşigiň absolýut ýeňijisiniň suraty: «Ak üste ak» / © Luca Lorenz
Alp towşanlary dag şertlerine uýgunlaşan bolup, pasyllara görä reňklerini çalşyp, tomusda goňur, gyşda bolsa ak reňke girýärler. Emma klimatyň üýtgemegi bu tebigy hadysany bökdeýär. Garyň adaty wagtyndan giç ýagmagy ýa-da ir eremegi sebäpli, towşanlaryň reňki töwerekdäki gurşaw bilen gabat gelmeýär. Bu bolsa, gynansak-da, olaryň ýyrtyjylaryň eline aňsatlyk bilen düşmegine sebäp bolýar.
Kategoriýalar boýunça ýeňijiler we finalistler:
«Beýleki haýwanlar» kategoriýasynyň ýeňijisi: «Türgenleşik» / © Jens Cullmann
«Guşlar» kategoriýasynyň ýeňijisi: «Köl çarlagy» / © Radomir Jakubowald
«Haýwanlar» kategoriýasynyň finalisti: «Piller» / © Preeti John
«Ösümlikler we kömelekler» kategoriýasynyň ýeňijisi: «Ýaşyl çyzyklar» / © Tobias Richter
«Pleýzažlar» kategoriýasynyň ýeňijisi: «Doňan tokaý» / © Eike Christian Wolff
«Tebigat studiýasy» kategoriýasynyň ýeňijisi: «Ýagtylygyň bölekleri» / © Beate Oswald
«Tebigat studiýasy» kategoriýasynyň finalisti: «Lawa aždarhasy» / © Jeroen Van Nieuwenhove
Eminleriň ýörite baýragy: «Ömür çyzyklary» / © Roy Müller
«Haýwanlar» kategoriýasynyň finalisti: «Piliň fonunda» / © Jan Piecha
