Casio brendi Coca-Cola kompaniýasynyň 140 ýyllyk ýubileýine bagyşlanan G-Shock GA-2100CC-3AJR atly çäkli möçberdäki sagat modeliniň çykaryljakdygyny yglan etdi. Täze önümiň dizaýny meşhur içginiň hemmelere tanyş nusgawy çüýşe şekilinden ylham alnyp taýýarlanyldy.
Modeliň daşky görnüşinde mowzuga degişli köp sanly jikme-jiklikler bar: siferblat gazly suwuň reňkinde ýerine ýetirilip, kömürturşy gazynyň köpürjikleri şekillendirilýär. Hepde günleriniň görkezijisiniň roluny gyzyl çüýşe şekilindäki kiçijik dil ýerine ýetirýär, siferblatyň töweregi bolsa metal gapagy ýatladýan grawýura bilen bezelipdir.
Enjamyň tehniki häsiýetnamalary GA-2100 seriýasynyň standartlaryna gabat gelýär. Agramy 51 gram bolan sagadyň ölçegleri 48,5 × 45,4 × 11,8 mm deňdir.
Model 200 metr çuňluga çenli suwdan goraglylyga eýe bolup, –10 °C sowuklykda hem işjeňligini saklaýar.
Ýaponiýada satuwlar 2026-njy ýylyň 1-nji maýynda başlar. Sagady Casio-nyň resmi saýtynda bije atmak ulgamy arkaly 27 500 ýena (takmynan $170) bahasyndan satyn alyp bolar.
