Hyundai N sport setiri üçin täze hereketlendirijini Nýurburgringde synagdan geçirýär. Elantra N1 RP-iň prototipi güýç gurluşynyň ygtybarlylygy synagdan geçirilýän “Nýurburgringiň 24 sagady” ýaryşyna gatnaşýar.
Kompaniýa turbo hereketlendirijiler üçin SP4T klasly iki awtoulagy hödürledi. RP belgisi munuň hereketlendirijiniň önümçilikden öňki wersiýasydygyny görkezýär.
Öndüriji hereketlendirijiniň güýjüniň artandygyny, has çalt jogap berýändigini we ekologiýanyň talaplaryna laýyk gelýän görnüşde sazlanandygyny tassyklaýar. Synaglaryň esasy maksady onuň uzak wagtlyk agrama çydamlylygyny barlamakdyr.
Hereketlendirijisiniň güýçlendirilen gurluşly we jogabyň gijikmegini azaltmaga mümkinçilik berýän gowulandyrylan turbinaly bolmagyna garaşylýar.
Täze güýç gurluşynyň 2027-nji ýylyň ahyryna çenli çykarylmagy mümkin Elantra N-iň indiki neslinde peýda bolmagyna garaşylýar. Synag Hyundai-yň tehnologiýany awtoulag sportundan önümçilik modellerine geçirmäge çemeleşmesini görkezýär.
