Ýewropanyň elektrik ulaglaryny goldaýan syýasaty ulagyň howpsuzlygyny bahalandyrýan gurama bolan Euro NCAP tarapyndan tankyt edildi. Onuň ýolbaşçysy Mihel wan Ratingen hökümetleriň elektrik ulaglaryna geçilişini işjeň maliýeleşdirýändigini, ýöne howpsuzlyk meselelerine ýeterlik derejede üns bermeýändigini aýtdy.
Onuň sözlerine görä, Ýewropada elektrik ulaglarynyň paýy, esasan hem ýeňillikleriň we goldaw maksatnamalarynyň hasabyna, eýýäm 28% -den geçýär,. Şeýle çäreler has howpsuz awtoulaglary, mysal üçin, ýokary heläkçilik synaglaryndan geçen awtoulaglary satyn almagy hem höweslendirip bilerdi. Häzirki wagtda howpsuzlyk alyjylaryň maliýe çözgütlerine täsir etmeýär.
Satyn alyjylar köplenç baha we tehnologiýa üns berýärler. Şeýle-de bolsa, häzirki zaman sürüjä kömek ulgamlary we güýçlendirilen kuzow gurluşlary ýollarda şikeslenmeleriň we ölümleriň töwekgelçiligini azaldyp biler.
2027-nji ýylda Ýewropada täze GSRII howpsuzlyk talaplary güýje girer we awtoulag öndürijilerinden goşmaça howpsuzlyk ulgamlaryny ornaşdyrmagy talap eder. Bu bolsa awtoulaglaryň bahalarynyň ýokarlanmagyna getirip biler.
Bilermenler subsidiýalaryň alyjylaryň özüni alyp barşyny üýtgedip biljekdigini belleýärler. Eger goldaw howpsuzlyk üçin giňeldilse, awtoulag parky diňe bir ekologiýa nukdaýnazaryndan däl, eýsem howpsuzlyk babatda hem täzelenerdi.
