Microsoft kompaniýasy özüniň firma dükanlarynda Surface hataryna degişli ähli enjamlaryň bahasyny ýokarlandyrdy. Şeýle üýtgeşmeleriň tiz wagtdan beýleki bölek satuw torlaryna hem täsir etmegine garaşylýar.
Bu gezekki nyrh ýokarlanmasy diňe bir orta topardaky modellere däl, eýsem iň ýokary enjamlara hem degişli boldy. Mysal üçin, Surface Laptop 7 we Surface Pro 11 modelleriniň bahasy 2024-nji ýyldaky satuwa çykan wagtyndaky nyrhlary bilen deňeşdirilende 500 dollar ýokarlandy. Çeşmeleriň berýän maglumatyna görä, bahalaryň gymmatlamagy operatiw ýadyň (RAM) we beýleki komponentleriň bahasynyň artmagy bilen baglanyşyklydyr.
Indi 12 dýuýmlyk Surface Pro modeliniň başlangyç bahasy öňki 799 dollaryň ýerine 1049 dollardan başlanýar. Onuň 13 dýuýmlyk ekrana eýe bolan wersiýasynyň bahasy bolsa 999 dollardan 1499 dollara çenli ýokarlandy.
Şeýle nyrh artmasy noutbuklara hem degişli boldy: 13 dýuýmlyk Surface Laptop-yň başlangyç bahasy 899 dollardan 1149 dollara, 13,8 dýuýmlyk modeli 1499 dollara, 15 dýuýmlyk modeli bolsa 1599 dollara çenli gymmatlady. Iň ýokary tehniki häsiýetnamaly modeller hem ünsden düşmedi. Mysal üçin, Snapdragon X Elite prosessory, 64 GB operatiw ýady we 1 TB SSD ýady bolan 15 dýuýmlyk Surface Laptop-yň bahasy indi 3649 dollara deňdir.
