Aston Martin kompaniýasy ilkinji elektrik toguna birikdirilýän gibrid awtoulagyny – Valhalla modelini tanyşdyrdy. Bu täze ulag kompaniýanyň maliýe ýagdaýyny gowulandyrmak üçin uly ähmiýete eýedir.
Ulagyň kuwwaty 1064 at güýjüne deň. Onuň tizligi sagatda 350 km bolup, 100 km/sag tizlige bary-ýogy 2,5 sekuntda ýetýär.
Bu superkar 4 litrlik V8 hereketlendiriji we üç sany elektrik motory bilen işleýär. Ulag diňe elektrik güýji bilen 14,5 km ýol geçip bilýär.
Kompaniýa bu modelden jemi 999 sany öndürer. Eýýäm olaryň ýarysyndan gowragy satyldy. Her bir ulag müşderiniň islegine görä ýörite bezelýär. Bu bolsa ulagyň 1 million dollar bolan başlangyç bahasyny ýene 20% gymmatladýar.
