Hytaý örän möhüm minerallaryň gazylynyp alnyşy çäginde dünýäniň öňdebaryjy ýurdy derejesini saklap gelýär. Bu ýurduň 44 million tonna möçberinde gory bar diýip, USGS Mineral Commodity Summaries 2025 hasabatynda aýdylýar.
Ýurduň agalygy çig mal bazasyndan daşgary, seýrek ýer elementlerini (SEE) gaýtadan işlemegiň gözegçiligini hem öz içine alýar, bu bolsa Pekine global tehnologiýa zynjyrlaryna uly täsir etmäge mümkinçilik berýär.
ABŞ-nyň Geologiýa gullugynyň maglumatlaryna görä, Hytaýdan soň 21 million tonna gory bilen Braziliýa gelýär. Şeýle hem, möhüm oýunçylaryň arasynda Hindistan (6,9 million tonna), Awstraliýa (5,7 million tonna), Russiýa we Wýetnam (her biri 3-4 million tonna) bar.
1,9 million tonnalyk gory bolan Amerikanyň Birleşen Ştatlary importa garaşlylygyny azaltmak üçin öz önümçiligini ösdürmäge çalyşýar.
Neodim we terbiý ýaly 17 sany seýrek ýer elementlerinden ybarat topar elektrik awtoulaglarynyň, ýel turbinalarynyň we goranyş tehnologiýalarynyň önümçiligi üçin örän möhümdir. Bilermenler bir ýurtda önümçilik kuwwatynyň ýokary derejede jemlenmeginiň, geosyýasy bökdençlikler ýa-da eksport çäklendirmeleriniň girizilmegi ýagdaýynda, dünýä senagaty üçin howp döredýändigini duýdurýarlar.
