«Mançester Sitiniň» ýarymgoragçysy Bernardu Silwa möwsüm tamamlanandan soň klubdan gider. Bu maglumaty toparyň baş tälimçisiniň kömekçisi Hosep Linders «Sky Sports» neşirine beren interwýusynda tassyklady.
«Kapitan üýtgeşik we ony başga bir oýunçy bilen çalşyryp bolmaz, sebäbi beýle oýunçylar ýokdur. Ol soňky aýlary, ýagny bary-ýogy alty hepdeni gowy geçirip, mynasyp hoşlaşar diýip umyt edýärin. Ol bu ünsüň ählisine mynasypdyr» – diýip, Linders aýtdy.
Žurnalist Fabrisio Romanonyň berýän maglumatyna görä, futbolçynyň özi heniz täze kluby barada gutarnykly netijä gelmedi, ýöne 2026-njy ýylyň dünýä çempionaty başlamazyndan ozal belli bir çözgüde gelmegi meýilleşdirýär.
Oýunça «Ýuwentus», «Barselona», şeýle hem MLS-iň we Saud Arabystanynyň klublary gyzyklanma bildirýär.
Silwa «Mançester Sitiniň» düzüminde alty gezek Angliýanyň çempiony boldy. Şu möwsümde ol 43 oýna gatnaşyp, üç gol geçirdi we bäş assist etdi.
