Eýndhoweniň «PSW» topary bassyr üçünji gezek futbol boýunça Niderlandlaryň çempionatynyň ýeňijisi boldy. 29-njy tapgyrda «PSW» topary «Utrehti» 4:3 hasabynda utdy. Şol bir wagtyň özünde, «Feýenoord» topary «Wolendam» bilen 0:0 hasabynda deňme-deň oýnap, liderden öňe geçmek mümkinçiligini ýitirdi.
Netijede, «PSW» möwsümiň tamamlanmagyna bäş tapgyr galanda çempion bolmagyny kepillendirdi. Onuň hasabynda 71 utuk bar. Ikinji orunda barýan «Feýenoord» ondan 17 utuk yza galýar (54).
«PSW» öz taryhynda 27-nji gezek Niderlandlaryň çempiony bolýar, bu bolsa liganyň taryhynda ikinji netijedir. Titullaryň sany boýunça rekord Amsterdamyň «Aýaks» toparyna (36) degişli.
Şeýle hem klubuň hasabynda 11 sany milli kubok we 15 sany superkubok bar. «PSW» halkara meýdançasynda hem kuboklary — Ýewropanyň çempionlarynyň kubogyny we UEFA-nyň kubogyny almagy başardy.
