Amerikanyň Birleşen Ştatlary Aýda guruljak geljekki bazanyň ilkinji elementlerini eýýäm 2027-nji maliýe ýylynda maliýeleşdirmegi meýilleşdirýär. Degişli serişdeler býujet taslamasynda göz öňünde tutulyp, olar Ýeriň hemrasynda, ilkinji nobatda bolsa, onuň günorta polýusynda hemişelik ornaşmagyň şertlerini döretmäge gönükdirilendir.
Awtomatiki missiýalar üçin 175 million dollar sarp etmek teklip edilýär — olar geljekki uçuşlar üçin zerur bolan infrastrukturany taýýarlamaly. Mundan başga-da, 2028-nji ýylyň ahyryna çenli kosmonawtlary Aýa düşürmegi we kem-kemden bazany giňeltmegi maksat edinýän «Artemis» maksatnamasy üçin 8,5 milliard dollar bellenildi.
2-nji aprelde «Artemis II» missiýasy badalga aldy: «Space Launch System» raketasy we «Orion» gämisi Kanaweral burnundan uçuryldy. Ekipaž Aýyň daşyndan takmynan 8000 km aralykda aýlanyp geçer we 10 günden soň Ýere dolanar. Bu uçuş «Apollo 17» döwründen bäri adamyň iň uzak kosmos syýahaty bolar.
Uçuş wagtynda meselesiz bolmady: gäminiň içi tüsseledi, wagtlaýyn aragatnaşyk ýitdi. Kosmonawtika taryhçysy Aleksandr Železnýakow bu ýagdaýyň ekipaž üçin hiç hili howp döretmeýändigini we uzak möhletleýin täsiriniň bolmajakdygyny mälim etdi. Şeýle hem, uçuşyň birinji gününde wentilýasiýa ulgamynyň näsazlygy sebäpli kosmos hajathanasy hatardan çykdy. Şuna garamazdan, gämi raketadan üstünlikli aýryldy we gün panellerini kadaly ýagdaýda açdy.
