“San-Hose Şarksyň” 19 ýaşly hüjümçisi Maklin Selebrini NHL-iň taryhynda 20 ýaşyny doldurmanka bir möwsümde 100 utuk gazanan altynjy oýunçy boldy diýip, Liganyň web sahypasynda habar berilýär.
“San-Hoseniň” 5:4 hasabynda ýeňiş gazanmagy bilen tamamlanan “Sent-Luis Blýuz” toparyna garşy oýunda ol iki gol saldy we bir assist etdi. Onuň bu möwsümde 101 utugy, ýagny 38 goly we 63 assisti bar.
Ondan öň diňe Weýn Gretski (1979-1980-nji ýyllarda 137 utuk), Sidni Krosbi (2006-2007-nji ýyllarda 120 utuk we 2005-2006-njy ýyllarda 102 utuk), Jimmi Karson (1987-1988-nji ýyllarda 107 utuk), Mario Lemýe (1984-1985-nji ýyllarda 100 utuk) we Deýl Hawerçak (1981-1982-nji ýyllarda 103 utuk) şuňa meňzeş üstünlik gazanypdylar.
Şeýle hem, Selebrini şu möwsümde 100 utuk gazanan dördünji oýunçy bolup, ozal şeýle netijäni Konnor Makdewid (124), Neýtan Makkinnon (120) we Nikita Kuçerow (121) gazanypdy.
"San Hose" 75 utuk bilen Ýuwaş umman diwizionynda altynjy orunda durýar.
