Honda kompaniýasy şu maliýe ýylynyň 420 milliard ýenden 690 milliard ýen aralygynda (2,6 milliard dollardan 4,3 milliard dollara çenli) zyýan çekmeklik bilen tamamlanmagyna garaşýar. Bu barada Reuters agentligi habar berýär.
Eger çaklamalar 31-nji marta çenli tassyk bolsa, bu ýapon awtoulag öndürijisiniň soňky ýedi onýyllygyň içinde ilkinji gezek ýaramaz ýyllyk netije gazandygy bolar. Bu habardan soň, kompaniýanyň paýnamalarynyň bahasy 5,6% pese gaçdy.
Ýaramaz görkezijiler ýeňil awtoulag bölüminiň giň gerimli täzeden gurulmagy bilen baglanyşyklydyr, onuň çykdajylary 15,7 milliard dollara ýetýär. Täze strategiýanyň çäklerinde kompaniýa ABŞ-nyň bazary üçin niýetlenen üç sany elektrik awtoulag modeliniň çykarylmagyny eýýäm ýatyrdy we esasy maýa goýumlaryny 21 milliard dollar azaltdy.
Goşmaça ýaramaz faktor Hytaýda aktiwleriň arzanlamagy boldy, sebäbi Honda ýerli brendleriň güýçli bäsdeşligine sezewar bolýar.
