Şwesiýadan iki gezek Olimpiýa çempiony Arman Dýuplantis syrykly bökmek boýunça karýerasynda 15-nji gezek dünýä rekordyny täzeledi. Bu gezek ol Şwesiýanyň Uppsala şäherinde geçirilýän "Mondo Classic – 2026" möwsümara ýaryşynda 6,31 metr belentlikden aşyp bildi.
Türgen bu belentligi birinji synanyşykda, galyberse-de, uly artykmaçlyk bilen eýeledi. "Mondo Classic" ýaryşy ýapyk binalardaky ýeňil atletika boýunça Dünýä tapgyryna girýär. Ýaryş Dýuplantisiň hut öz adyny göterýär: "Mondo" — türgeniň lakamydyr.
Arman Dýuplantisiň dünýä rekordlarynyň yzygiderligi:
- 2020 — 6,17 m (Turin, Italiýa)
- 2020 — 6,18 m (Glazgo, Şotlandiýa)
- 2022 — 6,19 m (Belgrad, Serbiýa)
- 2022 — 6,20 m (Belgrad, Serbiýa)
- 2022 — 6,21 m (Ýujin, ABŞ)
- 2023 — 6,22 m (Klermon-Ferran, Fransiýa)
- 2023 — 6,23 m (Ýujin, ABŞ)
- 2024 — 6,24 m (Sýamen, Hytaý)
- 2024 — 6,25 m (Pariž, Fransiýa)
- 2024 — 6,26 m (Hožuwa, Polşa)
- 2025 (fewral) — 6,27 m (Klermon-Ferran, Fransiýa)
- 2025 (iýun) — 6,28 m (Stokgolm, Şwesiýa)
- 2025 (awgust) — 6,29 m (Budapeşt, Wengeriýa)
- 2025 (sentýabr) — 6,30 m (Tokio, Ýaponiýa)
- 2026 (mart) — 6,31 m (Uppsala, Şwesiýa)
