Škoda kompaniýasy Beýik Britaniýada Octavia modeli üçin açyk onlaýn ses berişliginde ýeňiji bolan täze altynsow-ýaşyl «Dragon Skin» (Aždarha derisi) reňkini görkezdi. Kompaniýanyň metbugat gullugynyň habar bermegine görä, sosial ulgamlaryň ulanyjylary bu görnüşi «Storm Blue» we «Tangerine Orange» reňklerinden has makul bildi.
Täze reňkiň peýda bolmagy modeliň 30 ýyllygyna bagyşlanýar. Bu öwüşgin 4-nji martdan başlap, 855 funt sterling (1 150 dollar) baha bilen sargyt üçin elýeterli bolar.
Bu aýratyn reňk Octavia vRS we çäkli mukdardaky Sportline (130 sany) wersiýalary üçin hödürlener. «Dragon Skin» mundan ozal hem internet auditoriýasynyň islegi boýunça girizilen «Waterworld Green» we «Space Violet» ýaly üýtgeşik reňkleriň hataryna goşuldy.
Škoda-nyň Britaniýa bazary açyk reňklere uly gyzyklanma bildirýär. 2023-nji ýylda bu ýurtda markanyň iň meşhur reňki gök reňk boldy — täze satylan awtomobilleriň 30%-i şu reňkdedi. Deňeşdirmek üçin: müşderileriň 26%-i çal, 17%-i gara we 12%-i ak reňki saýlady.
Mundan başga-da, alyjylar klassyky tehnologiýalaryň muşdagydyr. Sanlylaşdyrmanyň ornaşdyrylmagyna garamazdan, müşderileriň agramly bölegi mehaniki transmissiýany saýlaýar. Meselem, Škoda Fabia-ny satyn alyjylaryň 69%-i, Škoda Scala-ny alyjylaryň 45%-i we Octavia-nyň eýeleriniň 20%-i «mehanikany» has göwnejaý hasaplady.
