Hindistanyň Premýer-ministri Narendra Modi dünýäde Instagram-da 100 million agza görkezijisinden geçen ilkinji syýasatçy boldy.
«The Times of India» neşiriniň ýazmagyna görä, dünýä liderleriniň arasynda agzalarynyň sany boýunça ikinji orunda ABŞ-nyň Prezidenti Donald Tramp durýar. Onuň akkauntyny 43 milliondan gowrak ulanyjy yzarlaýar. Üçünji orny bolsa Indoneziýanyň Prezidenti Prabowo Subianto eýeleýär — oňa 15 million ulanyjy agza boldy.
Modi Instagram sosial ulgamynda öz sahypasyny 2014-nji ýylda döretdi. Habar çykan wagty hindi premýer-ministriniň akkauntynda 1209 sany post bardy.
Instagram-da agzalaryň sany boýunça rekord portugaliýaly futbolçy Kriştianu Ronaldu degişlidir — oňa 671 milliondan gowrak ulanyjy agza boldy. 2024-nji ýylda ol sosial ulgamlarda jemi 1 milliard agza görkezijisinden geçen taryhda ilkinji adam boldy. Onuň Instagram, Facebook, X, YouTube, Kuaishou we Weibo ulgamlarynda şahsy sahypalary bar.
Premýer-ministr Modi Instagram-da 100 milliondan gowrak agzasy bolan ilkinji syýasatçy boldy
- 27.02.2026 00:08
- 9.7k+
