Kolumbiýada palçyk wulkanynyň örän güýçli atylmagy sebäpli häkimiýetler ýerli ilaty howpsuz ýerlere göçürýär. Bu barada BNO News neşiri habar berýär.
Wulkanyň Antiokiýa departamentiniň San-Huan-de-Uraba munisipalitetinde atyldy. Hadysa degişli suratlarda we wideoşekillerde wulkanyň agzyndan, edil partlama meňzäp, ägirt uly diametrli we belentlikdäki otly sütüniň ýokaryk galýandygy görünýär.
«Ýerli häkimiýetler palçyk wulkanynyň munisipal suw arassalaýjy desgasynyň we ýaşaýyş jaýlarynyň golaýynda atylandygyny mälim etdi» diýlip, habarda bellenilýär.
Resmi maglumatlara görä, pida we şikes alan ýok. Häzirki wagtda diňe Siete-Wueltas etrabyna barýan ýoluň zaýalanandygy hasaba alyndy. Wakany gözi bilen görenler wulkanyň atylan ýerinden birnäçe kilometr uzaklykda hem ýerleriň jaýrylandygyny we asfaltyň bölek-bölek bolandygyny aýdýarlar.
Mundan başga-da, 19-njy fewralda Filippinlerde Kanlaon wulkanynyň atylandygy habar berildi. Filippinleriň Wulkanologiýa we seýsmologiýa institutynyň maglumatyna görä, bu atylma iki minuda çekdi we onuň netijesinde dörän külüň meýdany 4,5 kilometr belentlige çenli ýetdi.
