Samsung geljekki Galaxy S26 smartfonlar hatarynda Galaxy AI ulgamynyň mümkinçiliklerini giňeldýär. Platformanyň täzelenen görnüşine Perplexity emeli aň (EA) agenti goşular. Öndüriji bu barada Galaxy Unpacked tanyşdyrylyşyndan birnäçe gün öň habar berdi. Integrasiýanyň jikme-jikliklerini ýakyn wagtda mälim etmek meýilleşdirilýär.
Perplexity bir wagtyň özünde birnäçe emeli aň çözgütleriniň bilelikdäki işine esaslanýan Galaxy AI çemeleşmesiniň bir bölegi bolar. Täze gural Samsung-yň öz programmalary, şol sanda Notes, Clock, Gallery, Reminder we Calendar bilen özara täsirleşip biler. Şeýle-de, käbir üçünji tarap programmalarynyň hem goldanyljakdygy aýdylýar, emma olaryň sanawy heniz aýan edilmedi.
Perplexity agenti "Hey Plex" sesli buýrugy arkaly, şeýle hem enjamyň fiziki düwmeleri bilen baglanyşykly çalt girmegiň kömegi bilen işlediler.
Kompaniýa Galaxy AI-yň dürli EA modelleriniň işini utgaşdyrýan merkezi ulgam hökmünde hyzmat etjekdigini belleýär.
Samsung-yň Mobile eXperience bölüminiň prezidenti we baş operasion direktory Çoý Won-Junyň sözlerine görä, kompaniýanyň maksady — gündelik meseleleri ýerine ýetirmekde ulanyjylara has köp çeýelik we saýlamak mümkinçiligini bermekdir.
