19-njy fewraldan 20-ne geçýän gije Ýewropa ligasynyň pleý-off (utulan-çykdy) tapgyrynyň ilkinji duşuşyklary geçirildi. Bu tapgyr aýratyn-da myhmançylykda oýnan toparlar üçin şowly boldy: birnäçe klub möhüm ýeňişleri gazanyp, 1/8 finala çykmak üçin gowy mümkinçilik gazandylar.
Tapgyryň esasy duşuşygynda Stambulyň «Fenerbahçe» topary öz meýdançasynda Angliýanyň Premýer-ligasynyň wekili «Nottingem Forestden» asgyn geldi. «Tokaýçylar» derwezä jogapsyz üç gol geçirdiler.
Afinada geçen «Panatinaikos» we «Wiktoriýa» duşuşygy ýeňijisiz tamamlanan ýeke-täk oýun boldy.
Duşuşyklaryň netijeleri:
- «Fenerbahçe» — «Nottingem Forest»: 0:3
- «Seltik» — «Ştutgart»: 1:4
- «Lill» — «Srwena Zwezda»: 0:1
- «Panatinaikos» — «Wiktoriýa»: 2:2
- «Brann» — «Bolonýa»: 0:1
- «Dinamo» Zagreb — «Genk»: 1:3
- PAOK — «Selta»: 1:2
- «Ludogores» — «Ferenswaroş»: 2:1
1/8 finala eýýäm gatnaşmaga hukuk gazananlar:
Toparlar tapgyrynyň netijeleri boýunça aşakdaky klublar gönüden-göni 1/8 finala geçmegi başardylar: «Aston Willa», «Betis», «Braga», «Fraýburg», «Lion», «Mitýulland», «Portu», «Roma».
Jogap duşuşyklary 26-njy fewraldan 27-nji fewrala geçýän gije geçiriler.
1/8 finalyň we ýaryşyň indiki tapgyrlarynyň bijesi 27-nji fewralda çekiler.
