Britaniýaly týunerler (awtobezeg ussalary) tarapyndan döredilen Chelsea Rivet özüniň üýtgeşik dizaýny bilen awtomobil dünýäsini haýran galdyrdy. Carscoops neşiriniň ýazmagyna görä, bu ulag retro-rodsteriň (açyk üçekli sport ulagy) we oba hojalyk traktorynyň "gibridini" ýatladýar.
Ulagyň dizaýnynda artykmaç hiç zat ýok: Üçegi, gapylary we hatda öňki aýnasy hem ýok. Sürüji töwerekdäki dünýä bilen doly galtaşykda bolýar. Içerki bezeg örän sada — diňe üç çişli rul, iki siferblatly gural paneli we birnäçe düwme ýerleşdirilipdir.
Üç tizlikli ýarym awtomatik (semi-auto) geçiriş gutusynyň dolandyryş ryçagy ulagyň daşynda ýerleşýär, bu bolsa oňa aýratyn stil berýär.
Ulagyň kiçi ölçeglerine garamazdan, ol hakyky "ýoldan dury" (off-road) ruhunda ýasalypdyr: Kuzow berk polat çarçuwada (rama) guruldy, agramy 230 kg.
17 dýuýmlyk ýörite çarkandakly ýerler üçin niýetlenen (all-terrain) tekerler.
Motor: 125 kub santimetrlik, 7 at güýjüni öndürýän benzin hereketlendirijisi. Sagatda 60 km tizlige çenli ýetip bilýär. Ähli tekerlerde ygtybarly disk tormozlary oturdyldy.
Bu täsin "oýunjak" Beýik Britaniýada 4 000 funt sterling (takmynan 5 100 dollar) bahadan satuwa çykaryldy.
