Ussat operaçy zenanyň Gresiýadaky ägirt portreti köçe sungatynyň naýbaşy nusgasy diýlip ykrar edildi

XX asyryň beýik opera aýdymçysy Mariýa Kallasyň şekillendirilen ägirt uly muraly köçe sungatyny resmileşdirýän we wagyz edýän halkara Street Art Cities platformasy tarapyndan 2025-nji ýyl boýunça dünýäde iň gowusy diýlip ykrar edildi. Işiň awtory grek suratkeşi Kleomenis Kostopulos (KLE).
Kalamata şäherindäki ýaşaýyş jaýynyň tutuş boýuny tutýan mural eýýäm ýerli gözellikleriň birine öwrüldi. Taslama şäheriň merkezini döwrebap sungat bilen bezemek başlangyjynyň çäklerinde häkimlik tarapyndan buýruldy.

Street Art Cities binanyň öň tarapyny gurşap alýan muralyň şäheriň ýüregine az-kem poeziýany, dürli reňklerdir hyýallary  aralaşdyrýandygyny belleýär. Suratda Kallas adamyň tebigat bilen gatnaşygyny alamatlandyrýan miweli şahalar we guşlar bilen gurşalypdyr. Suratkeş sosial torlarda bu işi goldanlaryň hemmesine minnetdarlyk bildirip, baýragy «umumylykda gazanylan üstünlik» hasaplaýandygyny belläpdir.